Хыяллар кешегә канат куя, диләр.
Авылдан Казанга килгән хыялый төзүче егет Хәйдәр дә үз йолдызын табар өчен шул канатларда очарга әзер.
Ул йолдызларга гашыйк, күңеле гел күккә ашкына.
Бер көнне шәһәр утлары арасында ул Мәскәүдән килгән яшь рәссам Чулпан белән очраша һәм шул мизгелдә Хәйдәрнең күңел йолдызлары мәхәббәт булып кабына. «Хыял артыннан» дуслык, саф мәхәббәт һәм кешене алга этәрүче хыял көче турында заманча музыкаль спектакль.
Сәхнәдә онытылмас 60 нчы еллар җырлары, дәртле биюләр, ихлас юмор һәм йөрәк кылларын тибрәтерлек драматик мизгелләр бергә үрелә һәм үзенчәлекле атмосфера тудыра.
Яшьлек дәрте белән сугарылган бу тамаша сезне дә хыял канатларында очарга илһамландырыр.
